აჭარის უმაღლესი საბჭოს ბიუროს გადაწყვეტილებით, საკანონმდებლო ორგანოს ვადამდე გამოკლებული წევრების ადგილმონაცვლეების - ნინო ჩხეტიასა და არჩილ სამნიძის უფლებამოსილების ცნობის საკითხი რიგგარეშე სესიის პლენარულ სხდომაზე გადაწყდება.
ბიუროს სხდომაზე, რომელსაც საკანონმდებლო ორგანოს თავმჯდომარე - დავით გაბაიძე უძღვებოდა, დღის წესრიგით გათვალისწინებული საკითხები საკონსტიტუციო, იურიდიულ და საპროცედურო საკითხთა კომიტეტის თავმჯდომარემ - მამუკა თურმანიძემ წარმოადგინა.
ბიუროს წევრებმა ანალოგიური გადაწყვეტილება მიიღეს საკანონმდებლო პაკეტთან დაკავშირებითაც, რომელიც - ,,აჭარის ავტონომიური რესპუბლიკის უმაღლესი საბჭოს არჩევნების შესახებ“ კანონსა და აჭარის უმაღლესი საბჭოს რეგლამენტში შესატანი ცვლილებების პროექტებს მოიცავს.
პროექტი პლენარულ სხდომაზე გამარტივებული წესით - ერთი მოსმენით განიხილება.
ფოტო გალერეა
