5 ივნისი, გარემოს დაცვის საერთაშორისო დღე, აჭარაში გამწვანების აქციით აღინიშნა. აჭარის უმაღლესი საბჭოს აგრარულ და გარემოს დაცვის საკითხთა კომიტეტის თავმჯდომარე - ფრიდონ ფუტკარაძე, აქციაში, აჭარის სოფლის მეურნეობის მინისტრთან - ზაზა შავაძესთან, საქართველოს გარემოს დაცვისა და სოფლის მეურნეობის სამინისტროს, გარემოს ეროვნული სააგენტოს უფროსთან ელენე ღუბიანურთან ერთად ჩაერთო - ხელისუფლების წარმომადგნლებმა და გარემოს დამცველებმა, აჭარის სსიპ სატყეო სააგენტოს ქობულეთის სატყეოს თიკერის უბანში, 100 ძირი ფიჭვი დარგეს.

   ფრიდონ ფუტკარაძის განცხადებით, წელს, გარემოს დაცვის საერთაშორისო დღის მთავარი თემა - „პლასტმასით დაბინძურების წინააღმდეგ ბრძოლაა“. რაც შეეხება გამწავნების აქციას, მისი მიზანი დეგრადირებული ტყის ხელოვნურად აღდგენა-განახლება, გარემოს დაცვითი ცნობიერების გაზრდა, ეკოსისტემის გაუმჯობესება და ეკოლოგიურად ჯანსაღი გარემოს ხელშეწყობაა. ღონისძიების ფარგლებში, „ტყის მოვლა-აღდგენა და დაცვაში შეტანილი წვლილისათვის“ მინისტრმა, ზაზა შავაძემ ღვაწლმოსილი მეტყევე - რეზო ვასაძე დააჯილდოვა.

   გარემოს დაცვის საერთაშორისო დღესთან დაკავშირებით, მტირალას ეროვნულ პარკში, აჭარის გარემოს დაცვისა და ბუნებრივი რესურსების სამმართველოს ინიციატივით, მოსწავლეებისთვის მოეწყო ლაშქრობა და მცირე ლექცია თემაზე - “პლასტმასით დაბინძურების წინააღმდეგ ბრძოლა“.

  გარემოს დაცვის საერთაშორისო დღესთან დაკავშირებით, მტირალას ეროვნულ პარკში, აჭარის უმაღლესი საბჭოს აგრარულ და გარემოს დაცვის საკითხთა კომოტეტისა და სოფლის მეურნეობის სამინისტროს საქვეუწყებო დაწესებულების - გარემოს დაცვისა და ბუნებრივი რესურსების სამმართველოს ინიციატივით, მოეწყო ლაშქრობა და მცირე ლექცია თემაზე - “პლასტმასით დაბინძურების წინააღმდეგ ბრძოლა“, რომელშიც ხულოს, შუახევის, ქედისა და სხვა მუნიციპალიტეტების 100-მდე მოსწავლე მონაწილეობდა.

   აჭარის სოფლის მეურნეობის სამინისტროს მიერ ორგანიზებულ ღონისძიებებში, მინისტრის მოადგილეები, ქობულეთის მუნიციპალიტეტის მერიის, აჭარის გარემოს დაცვისა და ბუნებრივი რესურსების სამმართველოსა და სსიპ აჭარის სატყეო სააგენტოს ხელმძღვანელები მონაწილეობდნენ.