ფაშიზმზე გამარჯვების 80 წლისთავი, ბათუმში, ტრადიციულად, გამოჩენილი ქართველი კაპიტნის - ანატოლი კაჭარავას საფლავზე შეკრებით აღინიშნა.
აჭარის უმაღლესი საბჭოსა და მთავრობის თავმჯდომარეებმა - დავით გაბაიძემ და სულხან თამაზაშვილმა, უმაღლესი საბჭოს წევრებმა, ქალაქ ბათუმის მერმა - არჩილ ჩიქოვანმა, ადგილობრივი ხელისუფლების წარმომადგენლებმა, ყვავილებითა და გვირგვინებით შეამკეს ანატოლი კაჭარავას საფლავი, რომელსაც 9 მაისს 115 წელი შეუსრულდებოდა. საომარი მოქმედებების დროს მან არაერთი სახიფათო რეისი შეასრულა და გმირობის მაგალითად იქცა. შეკრებილებმა მის ხსოვნას მხედრული პატივი მიაგეს.
ფოტო გალერეა
