უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარე - ცოტნე ანანიძე, ხელისუფლების სხვა წარმომადგენლებთან ერთად, აჭარაში მცხოვრებ აფხაზებთან შეხვედრასა და განსაკუთრებული დამსახურების მქონე უხუცესების დაჯილდოებას დაესწრო.

აფხაზეთის ავტონომიური რესპუბლიკის მომსახურების სააგენტოსა და ქართველთა და აფხაზთა ერთობის საზოგადოების - „ერთობა ხვალისთვის“ მიერ ორგანიზებულ შეხვედრაზე, აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, ქალაქ ბათუმის მერმა - არჩილ ჩიქოვანმა, აჭარის მთავრობის წარმომადგენლებმა, აჭარაში მცხოვრები აფხაზი უხუცესები, ქართულ-აფხაზურ ურთიერთობებში შეტანილი განსაკუთრებული წვლილისთვის დააჯილდოვა.

ღონისძიებაზე ხაზგასმით აღინიშნა სახალხო დიპლომატიის გზით ხიდჩატეხილობის აღდგენის მნიშვნელობაზე, საუკუნეების მანძილზე დამკვიდრებულ ტრადიციებსა და ურთიერთობებზე, ნათესაურ კავშირებზე, რომლებსაც ტრადიციულად უფრთხილდებიან ქართული და აფხაზური ოჯახები.