აჭარის უმაღლესი საბჭოს თავმჯდომარემ - დავით გაბაიძემ, უმაღლესი საბჭოს წევრებმა - ნადიმ ვარშანიძემ და ლადო მგალობლიშვილმა, ხელვაჩაურის მუნიციპალიტეტის მერთან - ზაზა დიასამიძესთან, ადგილობრივი ხელისუფლების სხვა წარმომადგენლებთან ერთად, 43 წარმატებული მოსწავლე, პროფესორ ალექსანდრე მსხალაძის სახელობის სტიპენდიით დააჯილდოეს.

    ,,მოსწავლეთა სტიპენდიის'' პროგრამა ხელვაჩაურის მუნიციპალიტეტის საჯარო სკოლების იმ მოსწავლეების (X-XI-XII კლასი) დაფინანსებას ითვალისწინებს, რომელთაც საერთო შეფასება 9.8 და მეტი აქვთ.

    პროგრამა 2022 წლიდან ამოქმედდა, რომლის მიზანი ხელვაჩაურის მუნიციპალიტეტში მცხოვრები მოსწავლეების წახალისება და პროფესორ ალექსანდრე მსხალაძის ღვაწლის დაფასებაა.