უმაღლეს საბჭოში აჭარის 2023 წლის რესპუბლიკური ბიუჯეტის შესრულების წლიური ანგარიშის განხილვის პროცედურები იწყება. გადაწყვეტილება კანონმდებლებმა ბიუროს სხდომაზე მიიღეს, რომელსაც უმაღლესი საბჭოს თავმჯდომარე - დავით გაბაიძე უძღვებოდა. საკითხი საფინანსო-საბიუჯეტო და ეკონომიკურ საკითხთა კომიტეტის თავმჯდომარემ - მარინე გვიანიძემ წარმოადგინა. განისაზღვრა საკომიტეტო განხილვების გრაფიკი და ვადები.
ბიურომ პლენარული სხდომისთვის მომზადებულად მიიჩნია უმაღლესი საბჭოს რეგლამენტში შესატანი ცვლილების პროექტი, რომელიც საკონსტიტუციო, იურიდიულ და საპროცედურო საკითხთა კომიტეტის თავმჯდომარემ - ლადო მგალობლიშვილმა წარმოადგინა.
განხილვის პროცედურები იწყება პეტიციაზე - "უსინათლო ან/და მცირედ მხედველი ადამიანების უსაფრთხო და ინკლუზიური გარემოს შექმნის თაობაზე“ (ავტორი: ინგა მოსიძე), რომელიც ბიურო წევრებს უმაღლესი საბჭოს თავმჯდომარემ - დავით გაბაიძემ გააცნო.
სხდომაზე განისაზღვრა 18 აპრილის მორიგი პლენარული სხდომის დღის წესრიგის პროექტი.
ფოტო გალერეა
