ხულოსა და შუახევის მუნიციპალიტეტებში სასწავლო პროცესის განახლებასთან დაკავშირებით საჯარო სკოლების დირექტორებთან შეხვედრა გაიმართა.  

  საკოორდინაციო საბჭოს გადაწყვეტილებით, არსებული ეპიდემიოლოგიური სიტუაციის გათვალისწინებით, რეგიონის მასშტაბით ყველა საჯარო და კერძო სკოლაში სასწავლო პროცესი 1 თებერვლიდან განახლდება. შეხვედრაზე აღინიშნა, რომ რეგიონის ყველა სკოლაში უნდა იყოს უსაფრთხო საგანმანათლებლო გარემო და სწავლება ჯანდაცვის სამინისტროს მიერ შემუშავებული რეკომენდაციებისა და ჰიგიენურ-სანიტარული ნორმების სრული დაცვით უნდა წარიმართოს. სამედიცინო პროტოკოლი მკაცრად იქნება დაცული და 2 კვირაში ერთხელ მოხდება მასწავლებელთა სისტემატური ტესტირება.

   შეხვედრას ხელვაჩაურის, ქედის, შუახევისა და ხულოს მაჟორიტარი დეპუტატი უმაღლეს საბჭოში- ფრიდონ ფუტკარაძე, აჭარის განათლების, კულტურისა და სპორტის მინისტრ მაია ხაჯიშვილთან, საქართველოს პარლამენტის წევრ ანზორ ბოლქვაძესთან და ადგილობრივი ხელისუფლების წარმომადგენლებთან ერთად დაესწრო.

  სკოლის დირექტორებთან შეხვედრა კითხვა-პასუხის რეჟიმში წარიმართა.