აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ხულოს მუნიციპალიტეტის სოფლების - ლოდისძირის, კატრისძირისა და გოდერძის უღელტეხილის მეჩეთებში ყურბან-ბაირამის ლოცვას დაესწრო. ჯამეში შეკრებილ მლოცველებს უდიდესი საღვთო დღესასწაული მიულოცა და ღვთის წყალობა უსურვა.
ყურბან–ბაირამი ერთ-ერთი ყველაზე დიდი მუსლიმანური დღესასწაულია, რომელიც რამაზან-ბაირამიდან 70-ე დღეს აღინიშნება. ამ დღეს მორწმუნეები ღმერთს ცხვარს ან მსხვილფეხა პირუტყვს სწირავენ, თავიანთ წილ საზრდოს კი მეზობლებს, ნათესავებსა და უპოვარებს უნაწილებენ.
დავით გაბაიძე მეჩეთებში ხულოს მუნიციპალიტეტის მერთან გოჩა მელაძესთან ერთად იმყოფებოდა.