აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ბათუმის თანამედროვე ხელოვნების სივრცეში ქართველი და პოლონელი ფოტოგრაფების ერთობლივი პროექტის დასკვნით ღონისძიებას დაესწრო.
უმაღლესი საბჭოს თავმჯდომარემ თავის მისასალმებელ სიტყვაში საქართველო-პოლონეთს შორის მრავალმხრივი ურთიერთობების მნიშვნელობაზე ისაუბრა და აღნიშნა, რომ ორი მეგობარი ქვეყნის ფოტოხელოვანების ერთობლივი პროექტი კულტურათა დიალოგის ერთ-ერთი მკაფიო მაგალითია.
პროექტი სახელწოდებით - „ფოტოგრაფიული მოგზაურობა, ფოტოების დიალოგი“ ბათუმის თანამედროვე ხელოვნებისა და ვროცლავის კულტურისა და ხელოვნების ცენტრებს შორის გაფორმებული მემორანდუმის ფარგლებში განხორციელდა. ამავე მემორანდუმის საფუძველზე ჩატარდა პოლონურ-ქართული კულტურის ფესტივალიც.
პროექტის დასკვნით ეტაპზე ფოტოხელოვნების მოყვარულებს საშუალება ჰქონდათ დაეთვალიერებინათ ქართველი და პოლონელი ფოტოგრაფების ნამუშევრები, რომლებიც გამოფენის „Dialog Obrazov” კატალოგში განთავსდება.
ფოტო გალერეა
