მორიგი შეხვედრა პატიმრებთან

17 იანვარი

                                  

      აჭარის ავტონომიური რესპუბლიკის უმაღლესი საბჭოს ადამიანის უფლებათა დაცვის საკითხთა კომისიის თავმჯდომარე ცოტნე ანანიძე სასჯელაღსრულების ბათუმის N3 დაწესებულებაში პატიმრებს შეხვდა.

          ცოტნე ანანიძე ადგილზე არსებულ მდგომარეობას გაეცნო, მოინახულა საკნები და გაესაუბრა 15-მდე მსჯავრდებულს. მისი განცხადებით, გამოიკვეთა ჯანმრთელობის, ასევე სასჯელის მოხდასთან დაკავშირებული რიგი პრობლემები. უმაღლესი საბჭოს წევრი მსჯავრდებულებს კომპეტენციის ფარგლებში დახმარებას და შესაბამის ორგანოებთან შუამდგომლობას დაჰპირდა.