18 აგვისტო

        18 აგვისტოს, ბათუმში, თამარის დასახლებაში, ახალაშენებულ „სოციალურ სახლში“ 58 ეკომიგრანტ ოჯახს აჭარის ავტონომიური რესპუბლიკის  მთავრობის თავმჯდომარემ ზურაბ პატარაძემ საცხოვრებელი ბინები გადასცა.  ეკომიგრანტებს, მასთან ერთად, ახალმოსახლეობა მიულოცეს აჭარის ავტონომიური რესპუბლიკის უმაღლესი საბჭოს წევრებმა - გიორგი რომანაძემ და ვახტანგ წულაძემ, საქართველოს პარლამენტის წევრებმა - ფატი ხალვაშმა და კობა ნაკაიძემ, აჭარის ფინანსთა და ეკონომიკის, ჯანდაცვის მინისტრებმა - რამაზ ბოლქვაძემ და ზაალ მიქელაძემ.

       10-სართულიანი სახლის მშენებლობა აჭარის ფინანსთა და ეკონომიკის სამინისტროს ბიუჯეტიდან 3 მილიონი ლარით დაფინანსდა. მშენებლობაზე, რომელიც 2015 წელს დაიწყო, 400 ადამიანი დასაქმდა, შენობაში მოეწყო წყლის, გათბობისა და ელექტროსისტემები.

       ეკომიგრანტ ოჯახებს ბინები  ახალ „სოციალურ სახლში“ შერეული სამთავრობო კომისიის გადაწყვეტილებით გადაეცათ.