ბათუმში ინფრასტრუქტურული სამუშაოები გრძელდება. აეროპორტის გზატკეცილსა და ფრიდონ ხალვაშის გამზირიდან ბაგრატიონის ქუჩამდე მიმდინარე საგზაო სამუშაოები აჭარის უმაღლესი საბჭოს თავმჯდომარის მოადგილემ, ბათუმის მაჟორიტარმა დეპუტატმა უმაღლეს საბჭოში - ტიტე აროშიძემ, ბათუმის მერის მოვალეობის შემსრულებელთან - არჩილ ჩიქოვანთან ერთად დაათვალიერა. წყალარინების სისტემის სარეაბილიტაციო სამუშაოების დასრულების შემდეგ, აღნიშნულ მონაკვეთზე ასფალტის დაგება დაიწყეს.