28 აპრილი

 უმაღლესი საბჭოს კომიტეტებსა და ფრაქციებში „აჭარის ავტონომიური რესპუბლიკის 2020 წლის რესპუბლიკური ბიუჯეტის შესახებ“ კანონში შესატანი ცვლილების განხილვის პროცედურები იწყება. გადაწყვეტილება საკანონმდებლო ორგანოს წევრებმა ბიუროს რიგით მე-7 სხდომაზე მიიღეს.

 აჭარის მთავრობის თავმჯდომარის მიერ ინიცირებული კანონის პროექტი საფინანსო-საბიუჯეტო და ეკონომიკურ საკითხთა კომიტეტის თავმჯდომარემ გიორგი რომანაძემ წარმოადგინა. უმაღლესი საბჭოს კომიტეტები და ფრაქციები საბიუჯეტო ცვლილებების პროექტს, არსებული ვითარებიდან გამომდინარე, დაჩქარებულ ვადებში - 29 აპრილის ჩათვლით განიხილავენ.

  ბიუროს სხდომაზე ასევე განიხილეს სხვადასხვა საკითხი.