აჭარის საავტომობილო გზების დეპარტამენტის ანგარიში

27 დეკემბერი

 აჭარის ავტონომიური რესპუბლიკის უმაღლესი საბჭოს თავმჯდომარის მოადგილემ  მერაბ კარანაძემ, სასტუმრო „ჰილტონში“, საავტომობილო გზების დეპარტამენტის ანგარიშის წარდგენაზე, დეპარტამენტის თანამშრომლებს გაწეული საქმიანობისთვის მადლობა გადაუხადა და დამდეგი შობა-ახალი წელი მიულოცა. ანგარიშის წარდგენას უმაღლესი საბჭოს წევრები - ცოტნე ანანიძე, ხვიჩა შარაშიძე, აჭარის მთავრობის თავმჯდომარესთან - თორნიკე რიჟვაძესთან და ხელისუფლების სხვა წარმომადგენლებთან ერთად დაესწრნენ.

 დეპარტამენტის ხელმძღვანელის მუხრან კაკაბაძის განცხადებით, წელს, რეგიონის მასშტაბით, 56 569 200 ლარის ინფრასტრუქტურული სამუშაოები ჩატარდა. მოეწყო ასფალტ-ბეტონის საფარი და რეაბილიტაცია ჩაუტარდა 54,216 კმ სიგრძის საავტომობილო გზას. ხელოვნური ნაგებობების მშენებლობა-რეაბილიტაციის ქვეპროგრამის ფარგლებში აშენდა 303 ერთეული ხელოვნური ნაგებობა,  19 ახალი ხიდი, რეაბილიტირებულია 4 ხიდი, გაკეთდა 225 საყრდენი კედელი, 55 დამცავი და წყალარინების ნაგებობა. საგზაო-სამელიორაციო ინფრასტრუქტურის მოვლა-შენახვის ქვეპროგრამის ფარგლებში: დაიგო 118 კვ.მ ხოლო ორმულად შეკეთდა 18000 კვ.მ. საავტომობილო გზა, გაყვანილია 1000 მეტრი სიგრძის წყალგამტარი მილები. მოშანდაკდა 1000 კმ. საავტომობილო გზა, დამზადდა და მოეწყო 1000 საგზაო-საინფორმაციო ნიშანი, შეძენილია 3 ერთეული მძიმე ტექნიკა.

 აჭარის საავტომობილო გზების დეპარტამენტის 2020 წლის ბიუჯეტი 63 მ783 500 ლარია. პრეზენტაციაზე, მომავალი წლის ბიუჯეტის პარალელურად, განიხილეს პრიორიტეტებიც.

განცხადებები

დღის წესრიგი

პრეს-რელიზი