11 სექტემბერი

ბათუმის ამერიკულ კუთხეში 2001 წლის 11 სექტემბერი გაიხსენეს. ღონისძიებას, რომელიც უდანაშაულო ადამიანების ხსოვნას ეძღვნება და ყოველწლიურად იმართება, აჭარის ავტონომიური რესპუბლიკის უმაღლესი საბჭოს ფრაქცია „ქართული ოცნება - მაჟორიტარების“ თავმჯდომარე ილია ვერძაძე, ხელისუფლების სხვა წარმომადგენლებთან ერთად დაესწრო.

18 წლის წინ მანჰეტენზე დატრიალებულმა ტრაგედიამ მსოფლიო შეძრა და 3 ათასზე მეტი ადამიანის სიცოცხლე იმსხვერპლა. თუმცა ამერიკელი ხალხის, ცივილიზებული მსოფლიოს ამ უდიდეს გულისტკივილს საერთაშორისო საზოგადოება არ ივიწყებს.

გაიმართა ტრაგედიის ამსახველი დოკუმენტური ფილმის ჩვენება.