„აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ კანონის პროექტი პირველი მოსმენით უმაღლესი საბჭოს პლენარულ სხდომაზე განიხილება. შესაბამისი გადაწყვეტილება კანონმდებლებმა ბიუროს რიგით 28-ე სხდომაზე მიიღეს.
კანონის პროექტი ბიუროს წევრებს საკონსტიტუციო, იურიდიულ და საპროცედურო საკითხთა კომიტეტის თავმჯდომარემ ნინო ჩხეტიამ წარუდგინა.
ბიურომ განსაზღვრა 15 ნოემბრის პლენარული სხდომის დღის წესრიგის პროექტი.