დავით გაბაიძემ სამეცნიერო სესიის ორგანიზატორებს მადლობა გადაუხადა

09 ნოემბერი

 "ჩვენთვის განსაკუთრებით მნიშვნელოვანია ყველა ღონისძიება, რომელიც ქართულ ენას, მის დიალექტოლოგიურ მრავალფეროვნებას ეძღვნება. განსაკუთრებით ღირებულია კვლევები, რომლებიც საქართველოს საზღვრის მიღმა მცხოვრები ჩვენი თანამემამულეების დიალექტს ეძღვნება" - აღნიშნა აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ, ბათუმის შოთა რუსთაველის სახელმწიფო უნივერსიტეტში, აკადემიკოს არნოლდ ჩიქობავას დაბადების 120 წლისთავისადმი მიძღვნილ 38-ე რესპუბლიკური დიალექტოლოგიური სამეცნიერო სესიის გახსნის ღონისძიებაზე.

 დავით გაბაიძემ სამეცნიერო სესიის მონაწილეებსა და ორგანიზატორებს, ამ მიმართულებით გაწეული საქმიანობისათვის, გულითადი მადლობა გადაუხადა და შემდგომი წარმატებები უსურვა.

 თსუ-ს არნოლდ ჩიქობავას სახელობის ენათმეცნიერების ინსტიტუტისა და ნიკო ბერძენიშვილის სამეცნიერო ინსტიტუტის მიერ ორგანიზებული სამეცნიერო ფორუმი ოთხ სექციად ორი დღის განმავლობაში იმუშავებს. საქართველოს სხვადასხვა სამეცნიერო ინსტიტუტისა და უმაღლესი სასწავლებლების 50-ზე მეტი მეცნიერი დიალექტოლოგიის ფუნდამენტურ საკითხებზე იმსჯელებს.

 დიალექტოლოგიური სესია პირველად 1960 წელს გაიმართა, 1980 წლიდან კი ის ყოველწლიურად ტარდება.

განცხადებები

დღის წესრიგი

რეგლამენტის პროექტი