აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ხულოს მუნიციპალიტეტის სოფელ ხიხაძირის მეჩეთში რამაზან-ბაირამის ლოცვას დაესწრო.
მორწმუნეები სალოცავში ადრიანად შეიკრიბნენ და ღვთისადმი სამადლობელი ლოცვა აღავლინეს. რამაზან-ბაირამის დღესასწაული, რომელიც მარხვის დასრულების შემდეგ აღინიშნება წელს პარასკევს, ანუ მუსლიმთათვის წმინდა დღეს დაემთხვა.
აჭარის საკანონმდებლო ორგანოს თავმჯდომარემ შეკრებილებს საღვთო დღესასწაული მიულოცა და ტკბილეულობა გადასცა.