აჭარის უმაღლესი საბჭოს ბიუროს სხდომაზე, რომელსაც საკანონმდებლო ორგანოს თავმჯდომარე - ცოტნე ანანიძე უძღვებოდა, აჭარის ავტონომიური რესპუბლიკის უმაღლესი საარჩევნო კომისიის თავმჯდომარედ პაატა კეშელავას არჩევის საკითხი განიხილეს.  საკონსტიტუციო, იურიდიულ და საპროცედურო საკითხთა კომიტეტის დასკვნა, ამავე კომიტეტის თავმჯდომარემ - მინდია დიასამიძემ წარმოადგინა. ბიუროს გადაწყვეტილებით, აღნიშნული  საკითხი მორიგ პლენარულ სხდომაზე განიხილება.

     ბიურომ, ასევე განსაზღვრა უმაღლესი საბჭოს 2026 წლის 18 ივნისის მორიგი პლენარული სხდომის დღის წესრიგი.