განათლების, მეცნიერების, კულტურისა და სპორტის საკითხთა კომიტეტის სხდომაზე, რომელსაც ამავე კომიტეტების თავმჯდომარე, დავით ბაციკაძე უძღვებოდა, 2026 წლის რესპუბლიკური ბიუჯეტის პირველი კვარტლის შესრულება განიხილეს. სხდომაზე, მოხსენებით, ფინანსთა და ეკონომიკის მინისტრი - ედნარ ნატარიძე წარდგა.

     2026 წლის რესპუბლიკური ბიუჯეტის შემოსულობების პირველი კვარტლის შესრულება 203 421 200 ლარს, გეგმის 104,2% - ს შეადგენს. შემოსავლების გეგმა 185 236 400 ლარით განისაზღვრა, ფაქტობრივმა შესრულებამ 202 912 400 ლარი, 109,5 % შეადგინა.

       აჭარის განათლებისა და სპორტის სამინისტროს, მასთან არსებული ორგანიზაციებისა და პროგრამული ღონისძიებებისათვის 2026 წლის სამ თვეში რესპუბლიკური ბიუჯეტით გამოყოფილი დაზუსტებული ასიგნებების გეგმა - 77,1 პროცენტითაა შესრულებული. რაც  შეეხება კულტურის სამინისტროს, საანგარიშო პერიოდში გეგმის შესრულების ანალოგიური მაჩვენებელი, ასევე  77,1 პროცენტს შეადგენს.

     კითხვა-პასუხის დასრულების შემდეგ, კომიტეტმა წარმოდგენილი მიმოხილვა ცნობად მიიღო.