ხელვაჩაურის დელეგატი აჭარის უმაღლეს საბჭოში, საკონსტიტუციო, იურიდიულ და საპროცედურო საკითხთა კომიტეტის თავმჯდომარე - მინდია დიასამიძე და მუნიციპალიტეტის მერი ზაზა დიასამიძე, ადგილობრივი ხელისუფლების წარმომადგენლებთან ერთად, ახალშენის ადმინისტრაციულ ერთეულში მიმდინარე ინფრასტრუქტურული პროექტების ფარგლებში მიმდინარე სამუშაოებს გაეცნენ.
ხელისუფლების წარმოამადგენლებმა, სოფელ სამებაში, შიდა სასოფლო გზის სარეაბილიტაციო სამუშაოები დაათვალიერეს. პროექტით 400 მეტრზე მეტი სიგრძის გზა მოწესრიგდება, რაც ადგილობრივ მოსახლეობას კომფორტულად გადაადგილების საშუალებას მისცემს.
უმაღლესი საბჭოს წევრმა და მუნიციპალიტეტის მერმა, სოფელ სამებაში, ერთ-ერთი მოქალაქის საცხოვრებელ სახლთან ფერდსამაგრი კედლის მოწყობის სამუშაოები დაათვალიერეს. მინდია დიასამიძის განცხადებით, პროექტის მიზანი სტიქიური პროცესების პრევენცია და უსაფრთხო გარემოს უზრუნველყოფაა.
