ჯანმრთელობის დაცვისა და სოციალურ საკითხთა და ადამიანის უფლებათა დაცვის საკითხთა კომიტეტებმა, აჭარის 2023 წლის რესპუბლიკურ ბიუჯეტში შესატან ცვლილებებზე შემდგომი პროცედურების გაგრძელებას მხარი დაუჭირეს. გადაწყვეტილება კანონმდებლებმა ერთობლივ სხდომაზე მიიღეს.
კანონის პროექტი - „აჭარის ავტონომიური რესპუბლიკის 2023 წლის რესპუბლიკური ბიუჯეტის შესახებ“ კანონში ცვლილების შეტანის თაობაზე, სხდომაზე, ამჯერადაც ფინანსთა და ეკონომიკის მინისტრმა, ჯაბა ფუტკარაძემ წარმოადგინა.
პროექტის თანახმად, 8 მილიონ ლარზე მეტით იზრდება ჯანმრთელობისა და სოციალური დაცვის სამინისტროს ბიუჯეტი, რომელიც 48 მილიონს გადააჭარბებს.
კორექტირებული ბიუჯეტის პროექტის წარდგენის შემდეგ, მინისტრმა უპასუხა კომიტეტების წევრების შეკითხვებს.
