უმაღლესი საბჭოს კომიტეტებში წევრთა რაოდენობისა და პროპორციული წარმომადგენლობის კვოტების განსაზღვრის შესახებ საკითხზე იმსჯელეს საკონსტიტუციო, იურიდიულ და საპროცედურო საკითხთა კომიტეტის მორიგ სხდომაზე.
კომიტეტის თავმჯდომარის - ვლადიმერ მგალობლიშვილის განცხადებით, საკითხის განხილვა უმაღლეს საბჭოში ფრაქცია „ერთიანი ნაციონალური მოძრაობის“ რეგისტრაციითაა განპირობებული, რომელსაც თითოეულ კომიტეტში თითო წარმომადგენელი ეყოლება.
კომიტეტის გადაწყვეტილებით, საკითხი განსახილველად ბიუროს წარედგინება.