css3 dropdown menu by Css3Menu.com

16 თებერვალი 2017 წელი

შეხვედრა მოსახლეობის წარმომადგენლებთან

16 თებერვალს აჭარის ავტონომიური რესპუბლიკის უმაღლეს საბჭოში ხიხანისა და ტაოს ქუჩების მცხოვრებთა ერთ გჯუფთან შეხვედრა გაიმართა. საკანონმდებლო ორგანოს თავმჯდომარის მოადგილემ მერაბ კარანაძემ და უმაღლესი საბჭოს წევრებმა - ნინო ჩხეტიამ, ნუგზარ სურმანიძემ და გიორგი მანველიძემ მოსახლეობის პრობლემები მოისმინეს.

შეხვედრაზე, რომელსაც აჭარის მთავრობის ადმინისტრაციულ ორგანოებთან ურთიერთობის დეპარტამენტის უფროსი კახა შაშიკაძე ესწრებოდა, მოსახლეობამ ბათუმი-ახალციხის მაღალი ძაბვის გადამცემი ხაზის მშენებლობის გამო მათთვის განსაზღვრული კომპენსაციების გამო უკმაყოფილება გამოხატა. მოქალაქეებმა ამის შესახებ უმაღლესი საბჭოს წევრებთან ადგილზე გამართული საპროტესტო აქციის დროსაც განაცხადეს და აღნიშნეს, რომ კომპენსაციები არ შეესაბამება საბაზრო ფასს.

საკანონმდებლო ორგანოს წევრები შეხვედრის მონაწილეებს საკითხის დეტალურ შესწავლას დაჰპირდნენ.

« უკან დაბრუნება


Copyright © 2015  ყველა უფლება დაცულია