css3 dropdown menu by Css3Menu.com

16 აპრილი 2017 წელი

სააღდგომო აქცია ბათუმის მედ-ცენტრში

16 აპრილს აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ, თავმჯდომარის მოადგილემ მერაბ კარანაძემ, დეპუტატებმა დავით თედორაძემ და ვლადიმერ მგალობლიშვილმა, აღდგომის ბრწყინვალე დღესასწაული ბათუმის მედ-ცენტრის პაციენტებს მიულოცეს.

მრავალპროფილური სამედიდიცინო დაწესებულება მედ-ცენტრი აჭარის ონკოლოგიური საავადმყოფოს ბაზაზე ფუნქციონირებს. დღეისათვის, სხვადასხვა დაავადებებზე, სტაციონარულ მკურნალობას 20-მდე პაციენტი გადის.

საკანონმდებლო ორგანოს წარმომადგენლებმა ყველა მათგანს სასაჩუქრე კალათები გადასცეს, რომელშიც აღდგომის სიმბოლოები: პასკა, წითელი კვერცხები და ტკბილეული იყო მოთავსებული. დეპუტატები პაციენტებს გაესაუბრნენ, მათი ჯანმრთელობის მდგომარეობითა და მომსახურების პირობებით დაინტერესდნენ და მალე გამოჯანმრთელება უსურვეს.

კანონმდებლებს მასპინძლობას სამედიცინო დაწესებულების სტუმრებს დამფუძნებელი მიხეილ ართმელაძე და დირექტორი ნოდარ ფუტკარაძე უწევდნენ. დეპუტატებმა მათთან ერთად სამედიცინო დაწესებულების მეოთხე სართულზე მიმდინარე სარემონტო სამუშაოებიც დაათვალიერეს, სადაც უახლოეს პერიოდში ნეირო-რეანიმაციული განყოფილება განთავსდება.

« უკან დაბრუნება


Copyright © 2015  ყველა უფლება დაცულია